Get the latest news at
your fingertips!
Download our app now
LIVE TV
Search
റോയൽ ചലഞ്ചേഴ്‌സ് ബെംഗളൂരുവിനെതിരായ ഇന്നത്തെ മത്സരത്തിൽ കളി തിരിച്ചുപിടിച്ച് ഡൽഹി ക്യാപിറ്റൽസ്. അഞ്ചോവറിൽ 70 റൺസ് വഴങ്ങിയിടത്ത് നിന്നും സ്കോർ 20 ഓവറിൽ ഏഴുവിക്കറ്റിന് 163 റൺസിൽ അവസാനിച്ചു.
17 പന്തിൽ 37 റൺസെടുത്ത് ഫിൽ സാൾട്ട് ഉഗ്രൻ വെടിക്കെട്ട് നടത്തി. എന്നാൽ പിന്നീട് എത്തിയവർക്കൊന്നും അത് മുതലാക്കാനായില്ല. ശേഷം ഒടുവിൽ 20 പന്തിൽ 37 റൺസ് നേടിയ ടിം ഡേവിഡിന്റെ പ്രകടനമാണ് സ്കോർ 160 കടത്തിയത്. ക്യാപ്റ്റൻ രജത് പാട്ടീദാർ 23 പന്തിൽ 25 റൺസ് നേടി. ഡൽഹിക്കായി വിപ്രജ് നിഗവും കുൽദീപ് യാദവും രണ്ട് വിക്കറ്റ് വീതവും നേടി.
നേരത്തെ ടോസ് നേടിയ ഡൽഹി ബോളിങ് തിരഞ്ഞെടുക്കുകയായിരുന്നു. ഈ ഐപിഎൽ സീസണിൽ ഇതിനോടകം മികവ് പുറത്തെടുത്ത രണ്ട് ടീമുകളാണ് ആർസിബിയും ക്യാപിറ്റൽസും. സീസണിൽ ഇതുവരെ തോൽവി അറിയാത്ത ഏക ടീമാണ് ഡൽഹി.കളിച്ച മൂന്ന് മത്സരങ്ങളിലും ജയം. നാലിൽ മൂന്നിലും ജയിച്ചാണ് ആർസിബി എത്തുന്നത്.
Content Highlights: delhi capitals vs royal challengers bengaluru
